|
|
|
|
|
08.02.2018-ci il tarixində Bakı Dövlət Universitetinin Jurnalistika fakültəsinin dekanı Vüqar Əliyev, Bakı Dövlət Universitetinin Tədris-teleradio studiyası əməkdaşı Ramin Rzayev və Müasir İnkişaf İctimai Birliyinin idarə heyətinin sədri Mübariz Göyüşlü, Gəncliyə Yardım Fondunun qonağı olub. Gəncliyə Yardım Fondunun Prezidenti Ahmet Tecim qonaqlara fondun humanitar, sosial və təhsil fəaliyyətləri haqında ətraflı məlumat verib.
15.02.18 16:44 ərzində olan dəyişikliklər | Yazan Administrator 09.02.18 10:40
İGEDER (İstanbul Gönüllü Eğitimciler Derneği) və Azərbaycan Respublikası Gəncliyə Yardım Fondunun (GYF) birgə təşkil etdiyi “Necə Öyrənək, Necə Öyrədək?” seminarı uğurla başa çatıb.
İGEDER İdarə heyətinin sədri Nuri Özkan və İcraçı katib Mehmed Esad Demircinin mühazirəçi olaraq qatıldığı seminar, Gəncliyə Yardım Fondunun Hacı Zeynalabdin Tağıyev adına konfrans zalında Azərbaycandakı təhsil könüllüləri və idarəçilərindən ibarət olan təxminən yetmişə yaxın insanın iştirakı ilə baş tutub. Seminarda “Yaşlara Görə İnkişaf Xüsusiyyətləri”, “Təsirli Sinif İdarə Edilməsi”, “İnsan Tanıma Texnikaları”, “Təhsilin Təməl Xüsusiyyətləri”, “Təsirli Dərs Keçmə Texnikaları” başlıqları altında mövzulara yer verilib.
05.02.18 15:49 ərzində olan dəyişikliklər | Yazan Administrator 05.02.18 15:41
2 fevral “Gənclər Günü” münasibəti ilə Gəncliyə Yardım Fondu və Türkdilli Dövlətlərlə Dostluq və Mədəni Əlaqələr Cəmiyyəti tələbələr arasında üç günlük kitab oxuma düşərgəsi həyata keçirib. Burada tələbələr əvvəlcədən özləri tərəfindən təyin olunmuş kitabları oxumaqla bərabər, sosial fəaliyyətlərdə və seminarlarda iştirak ediblər. Kitab oxuma düşərgəsində təxminən 70-ə yaxın Azərbaycanın müxtəlif universitetlərinin tələbələri iştirak edib. Proqramın yekun mərhələsi isə Gəncliyə Yardım Fondunun Hacı Zeynalabdin Tağıyev adına konfrans zalında baş tutub. Tələbələr burada oxuduqları kitabları müzakirə edib və qazandıqları bilgiləri bir-birləri ilə paylaşıblar.
03.02.18 16:46 ərzində olan dəyişikliklər | Yazan Administrator 03.02.18 14:03
2 fevral “Gənclər Günü” münasibətlə Gənclər və İdman Nazirliyinin kollektivi və gənclər təşkilatlarının nümayəndələri Fəxri xiyabanı ziyarət edərək, müasir müstəqil Azərbaycan dövlətinin memarı və qurucusu ümummilli lider Heydər Əliyevin xatirəsini anıb, məzarı önünə güllər və əklil qoyublar.
Görkəmli oftalmoloq-alim, akademik Zərifə xanım Əliyevanın da xatirəsi ehtiramla yad olunub, məzarı üzərinə tər çiçəklər düzülüb.
03.02.18 10:37 ərzində olan dəyişikliklər | Yazan Administrator 02.02.18 17:11
Gəncliyə Yardım Fondunun kollektivi Şəhidlər Xiyabanını ziyarət edib.
Azərbaycan Respublikası Gəncliyə Yardım Fondunun Prezidenti cənab Ahmet Tecim başda olmaqla fondun bütün kollektivi Şəhidlər Xiyabanına gələrək 20 yanvar faciəsinin qurbanlarının məzarlarını ziyarət edib, məzarlar üzərinə tər qərənfillər düzüblər.
19.01.18 15:55 ərzində olan dəyişikliklər | Yazan Administrator 19.01.18 00:00
Bu gün Gəncliyə Yardım Fondunun Hacı Zeynalabdin Tağıyev adına konfrans zalında 20 yanvar şəhid ailələri ilə görüş keçirilib. Tədbirdə iştirak edən rəsmilər əvvəlcə 20 Yanvar hadisələrinə işıq tutan rəsm sərgisi ilə tanış olublar. Tədbir vətənimizin azadlığı uğrunda canlarını fəda etmiş şəhidlərin ruhunu bir dəqiqəlik sükutla yad edilərək və iki qardaş dövlətin himn və istiqlal marşlarının səsləndirilməsi ilə açıq elan edilib.
18.01.18 18:31 ərzində olan dəyişikliklər | Yazan Administrator 18.01.18 18:20
17.01.2018-ci il tarixində Kəlbəcər rayonundan olan məcburi köçkün İbrahimov Elşad Ələsdan oğluna əlil arabası təqdim olunub. Əlil arabası Gəncliyə Yardım Fondunun əməkdaşları tərəfindən İbrahimov Elşada hal-hazırda müalicə aldığı xəstəxanada təqdim olunub. Ehtiyyac sahibinin anası Amilə İbrahimova Gəncliyə Yardım Fondunun gördüyü xeyriyyə işləri ilə tanış olduğunu qeyd edərək, fond rəhbərliyinə dərin minnətdarlığını bildirib.
18.01.18 11:31 ərzində olan dəyişikliklər | Yazan Administrator 18.01.18 09:46
Səhifə 7 > 55-dəan
