|
|
|
|
|
06.03.18 15:38 ərzində olan dəyişikliklər Yazan Administrator 03.03.18 13:09
Bu gün GYF Bakı Gənclik Akademiyasının təşkilatçılığı ilə Azərbaycanlı yazıçı, şair, Azərbaycan Yazıçılar Birliyinin üzvü, Elxan Elatlı (Elxan Əbdürrəhman oğlu Osmanov) Gəncliyə Yardım Fondunun Hacı Zeynalabdin Tağıyev adına konfrans zalında müxtəlif universitetlərdə oxuyan gənclərlə görüş keçirib.
Görüşdə Bakı Gənclik Akademiyasının koordinatoru Şükür Əndəlifov, Gəncliyə Yardım Fondunun Mətbuat Şöbəsinin müdiri Eldar Kərimov, Mühasibatlıq şöbəsinin əməkdaşı Həsən Rəşidov, gənc yazarlar və fəal gənclər iştirak edib.
05.02.18 15:49 ərzində olan dəyişikliklər Yazan Administrator 05.02.18 15:41
İGEDER (İstanbul Gönüllü Eğitimciler Derneği) və Azərbaycan Respublikası Gəncliyə Yardım Fondunun (GYF) birgə təşkil etdiyi “Necə Öyrənək, Necə Öyrədək?” seminarı uğurla başa çatıb.
İGEDER İdarə heyətinin sədri Nuri Özkan və İcraçı katib Mehmed Esad Demircinin mühazirəçi olaraq qatıldığı seminar, Gəncliyə Yardım Fondunun Hacı Zeynalabdin Tağıyev adına konfrans zalında Azərbaycandakı təhsil könüllüləri və idarəçilərindən ibarət olan təxminən yetmişə yaxın insanın iştirakı ilə baş tutub. Seminarda “Yaşlara Görə İnkişaf Xüsusiyyətləri”, “Təsirli Sinif İdarə Edilməsi”, “İnsan Tanıma Texnikaları”, “Təhsilin Təməl Xüsusiyyətləri”, “Təsirli Dərs Keçmə Texnikaları” başlıqları altında mövzulara yer verilib.
03.02.18 16:46 ərzində olan dəyişikliklər Yazan Administrator 03.02.18 14:03
2 fevral “Gənclər Günü” münasibəti ilə Gəncliyə Yardım Fondu və Türkdilli Dövlətlərlə Dostluq və Mədəni Əlaqələr Cəmiyyəti tələbələr arasında üç günlük kitab oxuma düşərgəsi həyata keçirib. Burada tələbələr əvvəlcədən özləri tərəfindən təyin olunmuş kitabları oxumaqla bərabər, sosial fəaliyyətlərdə və seminarlarda iştirak ediblər. Kitab oxuma düşərgəsində təxminən 70-ə yaxın Azərbaycanın müxtəlif universitetlərinin tələbələri iştirak edib. Proqramın yekun mərhələsi isə Gəncliyə Yardım Fondunun Hacı Zeynalabdin Tağıyev adına konfrans zalında baş tutub. Tələbələr burada oxuduqları kitabları müzakirə edib və qazandıqları bilgiləri bir-birləri ilə paylaşıblar.
19.12.17 15:11 ərzində olan dəyişikliklər Yazan Administrator 19.12.17 14:46
16 dekabr 2017-ci il tarixində Gəncliyə Yardım Fondunun təşkilatçılığı, “Bakı İstedadlı Gənclər Akademiyası” layihəsi çərçivəsində Azərbaycan Respublikası Prezdenti Yanında QHT Şurasının əməkdaşı, peşəkar təlimçi Sənan Nəcəfov tələbələrin görüşünə gəlib. Tədbiri giriş sözü ilə açıq elan edən “Bakı Gənclik Akademiyası” koordinatoru Murad Əlizadə Sənan Nəcəfov haqqında tələbələrə ümumi məlumat verib.
14.06.17 14:34 ərzində olan dəyişikliklər Yazan Administrator 14.06.17 12:47
Gəncliyə Yardım Fondunun Mərkəz binasında fəaliyyət göstərən GYF Dil Kurslarının sinif otaqları Türk İşbirliyi və Kordinasya Agentliyi Nazirliyinin (TİKA) dəstəyi ilə müasir dizayna uyğun olaraq təmir edilib və ən müasir texnoloji qurğularla təchiz edilərək kurslardan istifadə edən tələbələrin istifadəsinə verilib. Binanın təmirdən sonrakı açılış mərasimində TİKA Orta Asiya və Qafqaz Bölgəsinin Başqanı Ali Özgün Öztürk, TİKA Bakı Koordinatoru Adem Urfa, Gəncliyə Yardım Fondunun prezidenti Ahmet Tecim, Milli QHT Forumunun prezidenti Rauf Zeyni, Türkiyə mətbuatının əməkdaşları, dövlət və qeyri-hökümət nümayəndələri iştirak edib. Qonaqlar sinif otaqlarında yaradılmış imkanlar və müasir qurğularla yaxından tanış olub. Kurs rəhbərliyi tərəfindən qonaqlara kursda keçirilən dərslər, tələbələrin sayı və istifadə olunan tədris vəsaitləri haqqında geniş məlumat verilib.
01.06.17 13:39 ərzində olan dəyişikliklər Yazan Administrator 27.05.17 13:59
27 may 2017-ci il tarixində Gəncliyə Yardım Fondunun konfrans zalında fondun nəzdində təşkil olunmuş növbəti kompyuter və muhasibatlıq kurslarını müvəffəqiyyətlə bitirmiş müdavimlərə sertifikatların təqdim olunması mərasimi keçirilib. Tədbir Azərbaycan Respublikasının dövlət himni ilə açıq elan edilib.
Səhifə 7 > 15-dəan